Iṣeddeq-asen myat-alef akken ad bnun lǧameε. Mi t-kfan sfeqεentt, Nnan-as: I wacu ur t-ttẓallaṭ ara a yuday. Yeffeɣ-d sufṭis ad yerr agla-s.
Yekkat yeqqar-as: Yak taparpantt-ayi inu, tayi inu.
Wid-ak tt-εeyyiṭen: Aha, aha daxxam rebbi, daxxam rebbi.
Win yeqqar-asen: Yah ṣafi macci dagla-nwen! n rebbi ! Ihi tamsaltt-ayi gar-aw d rebbi. Ula ara a ken-yekcem unezgum.
Wid-ak, wa yeqqar-as: A k-d-yehdu rebbi, wa yeqqar-as: A k-d-isxeṭ rebbi.
Yeslayasen umeddakel-is netta yefka-d amelyun, yuzzel ɣer uxxam yessufeɣ-d afṭiṣ i teddu yettazzal ɣer lehdid.
Wid-ak qqaren-as: Aha dacu i ken-yuɣen !
Win yeqqar-asen: Ula d nekk ad huddeɣ azal umelyun-iw, mya n rebbi uxxam-ayi ihi a t-yebnu iman-is.
Win yekkat deg tama wayeḍ deg tayeḍ.
Yessawel-d yiwen wemɣar: Aha a tarwa wayi daxxam-nneɣ, daxxam n dtaddart.
Ḥebsen teyyita, sersen ifṭiṣen-nsen.
Yerra-yas-d umɣar naḍen: Macci daxxam n ttaddart, way-i daxxam ninselmen.
– Amek akk-ayi !?
– Tewwet lehwa ur ldintt ara tewwura-s akken ad darin At taddart, Yeǧǧeɣǧeɣ yiṭṭij ur ldintt ara tewwura-s ad qqimen ɣer tili. Tella tmeɣra ur ldintt ara tewwura-s akken ad cnun ad ceṭḥen. Amek i daxxam n dtaddart ay !?
Refden ifṭiṣen qlen ɣer teyyita ha-t-an ha-t-an.
Yenna-yas umɣar-nni i yettẓallan: Ha-t-an daɣen ah ! Daxxam n rebbi daya kan.
Yerra-yas-d: Ur daxxam n rebbi ara, yezmer ad yezzal wuday deg-s ? Yezmer umasiḥ! ?
– Haaaa kečč ladɣa t-sdukkureṭ kan.
Wid-ak kkaten deg-s, tidi t-ṭerric, wwet kan a xali Muḥ ! lɣaci nejmaεen-d.
Tεedda-d yiwet n temɣart: Akken ah, rnut-as.
Terfed aqerru-s ɣer igenni, tenna-yas: Deg tlemmast n taddart gar ixxamen saεlintt macci d kra, a ttewwet zenzla neɣ ad yiqdim ma yeɣli-d ad yeɣli ɣef ixxamen ɣef iqqerruyen n wid i t-yebnan, a ten-d-qden. Dtay-i gedged i dtaṣawaṭ.
Ḥebsen teyyita, refden ifṭiṣen-nsen rran-ten.
@CHEK@BYLE
