• Qui sommes-nous ?- L’esprit isallan
  • confidentialité
isallen.info
  • Taqbaylit
  • contributions
  • Interviews
  • Documents
  • Patrimoine
  • Magazine
  • Sciences
  • Chroniques
    • awal
No Result
View All Result
  • Taqbaylit
  • contributions
  • Interviews
  • Documents
  • Patrimoine
  • Magazine
  • Sciences
  • Chroniques
    • awal
No Result
View All Result
isallen.info
No Result
View All Result
ADVERTISEMENT
Home Taqbaylit

Ɣef wammud n yisefra n Mexluf n At Qasi U Sɛid

isallan-archives by isallan-archives
août 21, 2019
in Taqbaylit
0
0
SHARES
17
VIEWS
Share on FacebookShare on Twitter

Iḍelli, uɣeɣ-d adlis n tmedyazt, isemma-as bab-is Taḥbult n tatut… D tizrigin Ɛeccab i t-id-isuffɣen, ussan-agi kan.

Wissen akken d acu i ttraǧuɣ, lliɣ di tkerrust. Daxel n tkerrust, tasmudi acek-itt, di beṛṛa azɣal yeslemliw. Bdiɣ ttwaliɣ deg udlis-nni, walaɣ unuɣ n tɣellaft, walaɣ awal i d-yeddan deffir n udlis (taɣellaft tis 04) : d tukkist seg usefru wis 04. S yin akkin dliɣ ɣef yiḍrisen n udlis ; wwet ɣer sdat, wwet ɣer deffir. Bdiɣ keččmeɣ cwiṭ cwiṭ deg udlis, asebtar yettakk-iyi i wayeḍ almi i d-ufiɣ iman-iw ttnemḍareɣ gar yisefra n Mexluf n At Qasi U Sɛid.

Tasmudi di tkerrust, teslafay, di beṛṛa azɣal yeslewliw… Qqareɣ asefru deffir wayeḍ. Tasmudi n tkerrust acek-itt, isefra acek-iten. Ufiɣ iman-iw… lbenna n teswiɛt-nni, d tamxaleft : texleḍ lehna n tasmuḍi-nni d ccbaḥa n yisefra-nni.

Tameddit-nni, refdeɣ-d adlis-nni ; ttalseɣ-asen taɣuri i 26 n yisefra-nni. Amek akken, ufiɣ-d iman-iw ttaruɣ fell-asen. Ha-t-ah kra n wayen i uriɣ :

Taḥbult n tatut d tagella n win i as-iḥedren i tudert amek i tzelleg, yettmuqul deg-s s tmuɣli n umuḍin ur nezmir ad yekker seg tesga i t-yeṭṭfen ; lebɣi yella, tazmert teǧǧa-t.

Taḥbult n tatut d asafar i yettnadi wallaɣ yuysen, win akken yenɣa “wuzzu n wissen”, win ittuɣellben : nnig tezmert d ulac, din yettaf iman-is “uḥeccad”, tettaf iman-is “teɣyulit”, tettaf iman-is “tzelgi”, tettaf iman-is tlufḍa d “tiluxxext”. Din, sekrent rreḥba i tukksa n sser, rrant urar mi neṭṭlent “azalen d yimenzayen”, kkatent ṭbel mi tefsex “trugza d tfuḥlit”.

Taḥbult n tatut d tiɣwist n win ittwaqerḥen sdat tmara, d tamuɣli n tiṭ yettnadin tifrat, d asteqsi ɣef wamek i inekkeṛ umdan iman-is, d asteqsi ɣef wamek i ibeqqu ad yuɣal umdan d wayeḍ (mačči d netta).

D acu kan : taḥbult ur tettewwa ɣef yiwen n wudem. Mexluf Qasi neɣ Mexluf n At Qasi U Sɛid, netta yeẓra annect-a. Amek ih ! d netta i iɛerken, d netta i imeslen, d netta i isewwayen.

Taḥbult n tatut (diɣen) d tiṭ n leɛqel di tegnatin icebken acku ddunit teɛmer s temlel d tebrek ; acku werǧin texla lexla ; acku nfeṛṛeḥ mi d-iruḥ win nḥemmel akken i nfeṛṛeḥ mi iruḥ win ur nebɣi ; wa nettḥir s axxam ad d-yezzi, wayeḍ nettmenni awer d-yezzi (ala aḍar-is) ; acku amdan akken i isseḥluy lejruḥ i yettili d yir ṣṣbuḥ. Akka i t-id-yenna Mexluf (d Qasi neɣ n At Qasi U Sɛid) : “yella win, yella win…”.

Akka i d taḥbult, sin n wudmawen i tesɛa : udem iqebqeb, udem d lemri.

Amek akken ara kfuɣ awal-iw : uriɣ-d kan aḍris-agi akken ad awen-d-iniɣ belli isefra i d-yeddan deg wammud-a n Mexluf Qasi (akka i ires di lekwaɣeḍ) neɣ Mexluf n At Qasi U Sɛid (akka i as-yehwa) d isefra icebḥen, d iḍrisen yelhan. Walit tura kenwi d acu d-tinim.

Ar tayeḍ

Muḥend Akli Salḥi

Previous Post

Sauvons Selini Aït Hamou

Next Post

Idée : Pour une mutuelle de solidarité

isallan-archives

isallan-archives

Related Posts

Mestafa Kamal
Interviews

‘’…Nebɣa ad nesiweḍ ad d-iɣer uselkim taqbaylit i yiman-is’’

août 12, 2020
Irnaten Murad
Taqbaylit

​Amaynut : « Staxreɣ-d yemma si llakul » Tullist sɣur Irnaten Murad 

janvier 14, 2020
Taqbaylit

Tamellalt n tilla

janvier 1, 2020
Next Post

Idée : Pour une mutuelle de solidarité

Suivez-nous

  • 5k Fans
  • Trending
  • Comments
  • Latest
femme imam

Une kabyle … première imam de France …

septembre 10, 2019
Ferhat Mehenni

Ferhat Mehenni « La Kabylie a intérêt à quitter le navire Algérie »

septembre 18, 2019

« ZERO kabyle », la main des services Algériens

septembre 6, 2019

Tamacahut n Udrar Aberkan

décembre 30, 2019

Chronique: Une police Kabyle….why not !?

0

Nostalgie : La maison Kabyle

0

La place centrale de la femme Kabyle

0

Chronique : Tout ce qui est Kabyle est suspect -1

0

L’islam de nos aïeux, de nos parents !

septembre 19, 2020

TAMACAHUT-IW LWAD LWAD

septembre 16, 2020

Kamel Bouamara L’auteur du 1er dictionnaire de langue amazighe

septembre 16, 2020

Une rentrée scolaire dans « les temps … »

septembre 16, 2020

Derniers articles

L’islam de nos aïeux, de nos parents !

septembre 19, 2020

TAMACAHUT-IW LWAD LWAD

septembre 16, 2020

Kamel Bouamara L’auteur du 1er dictionnaire de langue amazighe

septembre 16, 2020

Une rentrée scolaire dans « les temps … »

septembre 16, 2020
isallen.info

Le magazine de la Kabylie L’Esprit ISALLAN se résume en : la liberté d’expression et de ton, aucune censure, la défense des intérêts des Kabyles et de la Kabylie

Follow Us

Catégories

  • A la une
  • Actualités
  • awal
  • Caricature
  • Chroniques
  • contributions
  • Culture
  • Documents
  • Interviews
  • Magazine
  • Patrimoine
  • Sciences
  • Taqbaylit

Articles récents

L’islam de nos aïeux, de nos parents !

septembre 19, 2020

TAMACAHUT-IW LWAD LWAD

septembre 16, 2020
  • Qui sommes-nous ?- L’esprit isallan
  • confidentialité

© 2019 Asalas

No Result
View All Result
  • Taqbaylit
  • contributions
  • Interviews
  • Documents
  • Patrimoine
  • Magazine
  • Sciences
  • Chroniques
    • awal

© 2019 Asalas

Ce site web utilise des cookies. En poursuivant votre navigation, vous acceptez l'utilisation des cookies.