S tumert ara d-tberreḥ Tdukkla Tadelsant Adrar n Fad s tiɣri i tikkin deg teẓrigt tis snat n umsizwer n tullisin Mulud At Mɛemmer, d tajmilt i umaru-a amussnaw.
I kunwi i yesseḥfawen imru ɣef ukaɣeḍ amellal, aznet-d tullisin-nwen ɣef yal asentel i ken-yehwan, i ilaq ad yili d amaynut, ɣer:Tidukkla Tadelsant Adrar n Fad Cidex N° 03 BP 105 Ayt Smaɛel 06044 Bgayet, neɣ ɣer tansa taliktrunant acafdz@yahoo.fr. Ayen yeɛnan temɣer n tullist ad yili gar 10 n yisebtar s talɣa A4, tasefsit n tira Times New Roman 12.
Yewwi-d ad d-awḍen yiḍrisen-nwen ɣer tdukkla send azemz-a: 15 deg wayyur n jember-a (décembre) n sdat-neɣ.
Arraz-a Mulud At Mɛemmer n tullist ifazzen, yennulfa-d akken i t-id-yeqqar yisem-is d tajmilt i urgaz-a i d-iqewwren tafat i tmaziɣt, i aɣ-d-igan abrid akken ad nizmir ass-a ad nettaru tullisin d wungalen. Maca d tajmilt daɣen i wid akk yennuɣen, yettnaɣen, akken ad yidir yiles-nneɣ.
Afud igerrzen i tal yiwet d yal yiwen!
