C’est le titre du nouvel ouvrage de Kamal Bouamara. Il s’agit d’un recueil de contes merveilleux qui ont bercé des générations d’enfants et d’adultes.
Pour Les Kabyles de la dispora , le recueil est disponible à la vente sur la plate-forme d’édition lulu.com.
Pour la version papier : cliquez ici
Pour la version Epub cliquez ici.
Pour la Kabylie le livre paraitera durant les prochains jours.
Ce qui suit est un extrait du livre repris de la page de l’auteur
« TAMACAHUT-IW LWAD LWAD’
“Imaziɣen ɣur-sen timucuha d temɛayin-nniḍen d izumal, dɣa lemmer ad tent-yaru yiwen, ad d-yeččar idlisen aṭas aṭas”i yura Ibn Khaldoun [1332-1406] deg tasut tis XIV.
Izumal-a n tmucuha n Yimaziɣen qqiment deg laṣel-nsent, ulamma tekcem-itent cwiṭ taɛrabt; yewwi-d fell-asent awal Léo Frobnius [1873-1938], amussnaw Almani yerzan idelsan n Tefriqt.”Werǧin d-mlaleɣ tasekla timawit-nniḍeni yeččuren d lerbayeḥ yessewhamen amdan,i d-yenna”. Daymii yefkai Yizwawzen amkan amezwaru deg tẓuri n lebni n wullisen [timucuha]”.
Ṭawes At Ɛemruc
Seg tasut (lqern) wis XIX armi d assa (2020), aṭas n yidlisen n tmucuha n teqbayliti d-ččuren yimnayen n teqbaylit, ama d Iṛumiyen, ama d Imaziɣen, gar-asen Leqbayel. Llan gar-asen widi tent-id-igemmren, sakkin uran-tent s teqbaylit, suffɣen-tent-id s teqbaylit, neɣ s taqbaylit akked tefransist. Gar Yizzayriyeni d-yessufɣen timucuha n teqbaylit (s teqbaylit) – gar wayen-nniḍen –, ad naf gar-asen Belqasem Ben Sedira (1845-1901) . Llan daɣen Leqbayeli yuran timucuha s teqbaylit, uqbel 1962, am Belɛid At ɛli (1909-1950), maca ayen yura Belɛid, gar-asent timucuha, ur d-yeffiɣ ara armi d aseggas n 1964 : deg le Fichier d Documentation Berbère (FDB), tasɣunt n Yibabaten Iṛumiyen n Larebɛa Nat Iraten,i d-yeffeɣ wayen yura Belɛid s teqbaylit akked tsuqqilen ɣer tefransist ay as-gan Yimṛabḍen Iṛumiyen, imḍebren n FDB.
Ad d-nebder daɣen gar Yirumiyen d Yiqbayliyeni d-igemmren timucuha (d wayen-nniḍen), Pierre H. Savignac , Ṭawes Ɛemruc akked Lmulud At Mɛemmer. Ṭawes Ɛemruc tessufeɣ-d deg 1966 adlis umi tsemma Le grain magique [Aɛeqqa yessawalen], Lmulud At Mɛemmer yesufeɣ-d wayeḍ deg 1980, umi yefka azwel n Contes berbères de Kabylie [Timucuha n Tmurt n Leqbayel]. Timucuha id-wwin sin n yimeskaren-a ur deg-sen iḍrisen n teqbaylit, d tisuqqilen-nsent ɣer tefransist kani yellan.
Ɣer tama n Leqbayel d Yizzayriyeni d-nebder –ma nettu walbeɛḍ, yelha ssmaḥ!–, llan Yiṛumiyen , tasut tis XIX i yerran azali tgemmi-nneɣ ideg llant tmucuha d temɛayin-nniḍen. Yiwen gar-asen d Paul Le Blanc i d-nebder deg wammud-nneɣ n tmucuha. Maca yella yiweni yuklalen ugar ad d-nemmeslay fell-as deg tezwart-a, ulamma s tewzel kan, d Auguste Mouliéras (1855-1931) . Mouliéras,i yellan d amrabeḍ n Yirumiyen deg lɣerb n Lezzayer (Tlemsan-Wehran), iḥemmel akk ayen umi semman Yifransisen lawan-nni “le folklore” neɣ tasekla timawit. Mouliéras ihi igemmer-d rnu yessufeɣ-d ammud n tmucuha akked d temɛayin-nniḍen n teqbaylit. Deg temdint n Wehrani yemlal kra n yixeddamen iqbayliyen n Wat Jennadi as-id-yulsen iḍriseni yura s teqbaylit, rnu yessufeɣ-ten-id, gar 1893 akked 1898, s talɣa n tedlisin (fascicules). Ayen d-yessufeɣ Mouliéras s teqbaylit deg taggara n tasut tisXIX, yeqqim akken armi d aseggas n 1965, aseggas idegi tekker Camille Lacoste-Dujardin ( 1929-2016 ) tessuɣel-iten-id ɣer tefransist.
Extrait de la Présentation
@ K. Bouamara
@
